ايه** هو **الحب
قالوا ايه هو الحب
قلتلهم الحب شمعه
بالصدق والعه
والدفئ واهبه
والخير ناشره
(وفى القلب ساكنه)
قالوا قصدك ايه
قوللنا عليه
قلتلهم قصدى ان الشمعه رمز للنور والعطاء والحب والدفء
بنورها تهدى غيرها من غير نداء او طلب
فى وحده وظلمه المحتجلها بتظهر
تاخد بأيده وتمشى معاه مشواره من غير كلل او سأم
بشعلتها تنور طريقه وتنور الأمل فى قلبه
بدموعها تواسيه وجنبه تسهر
بأنفاسها تناجيه وبروحها و حياتها تفديه واكتر
حياتها لغيرها وفرحتها مش ليها بس بالحوليها
كل ما شمعه غيرها تزيد وتكبر كل ماهى تبقى اقوى وافخر
قالوا طب فهمينا اكتر
قلتلهم الحب عطاء وتضحيه
الحب بسمه ترسمها على وش حبيبك او اى انسان يحتاجلك
الحب عطف ودفء
الحب حنان ورقه
الحب ايمان وتسامح
الحب ثقه بنفسك وبحبيبك
الحب فرح وسعاده
الحب نغم ونبض القلوب
الحب محو الاحزان والألام ومداويه الجراح
الحب مشاركه افكار واحاسيس سعيده او حزينه
الحب قوه لتحمل العواقب والتصدى العقبات
الحب مش جرح وألم وعذاب و دموع
الحب مش شده وغضب وعنف وحقد
الحب مش تكبر واهانه وانانيه وظلم
الحب كنز بيتمناه كل انسان ويتمنى انه يلمسه باديه
الحب هو الحب فى اى مكان او زمان
الحب هو الحياه والامل وفقدانه هو الموت
الحب شعور جميل بالصدق والتفاهم يكبر ويزدهر اكتر
الحب ارواح بتتلاقى منها ارواح بتقدر تحافظ عليه ومنها ارواح بتهمله وتضيعه من ايديها
قالوا طيب وده نلاقيه فين
قلتلهم الحب موجود حوليكم فى اى مكان بس المهم انكم من جواكم تقدروا تحبوا علشان تقدروا تلاقوا اليحبكم
واتمنى ليكم ولكل انسان انه يلاقى الحب الصادق البيحلم بيه
ونصحتى ليكم لو لقيتم الحب الصادق ده, حافظوا عليه وكبروه واحموه وخافوا عليه واوعوا يوم تهملوه وتطغوا عليه ليضيع وتندموا عليه
by Walaa Ali
No comments:
Post a Comment