داويت جرحك بيا
جتلى تداوى جراحك بيا و تنسى جرح زمان
و انا حبيبى حاولت اساعدك قدر الامكان
و فعلا حاولت و قدرت و خليتك اسعد انسان
وعيشتك فى زمان غير الزمان
و سقيتك من بحر حنان
و ضميتك جوه قلبى و حسستك بأمان
و حاولت أعيشك فى مكان غير المكان
خليت حياتك جنه من الجنان
و عودت قلبى على حبك و لا عمره خان
و انت سبتنى و حبى هان
و خلتنى أعيش ايامى و جوايا أحزان
و نهر دموع و نار بتغلى جوايا زى البركان
و قلبى بالرغم من هجرك و جرحك و قسوتك و طول بعدك لحبك صان
و عمره مقال على حبك انها كانت قصه حب فاتت أو كان يا مكان Walaa Ali
كل سنه وهو طيب
كل سنه وهو طيب
كل سنه وهو بخير
فكراه بالخير دايما
وبتمناله كل خير
عايزه اروحله اغنيله
ومن قلبى افرحله واهنيه
واعمل من نجوم السماء سبحه وبيها اهديه
واقوله كل سنه وانت طيب حبيبى
وان شاء الله يعود عليك بالخير
ده النهارده يومه
ده النهارده عيده
ده النهارده يوم ميلاده
ده النهارده اول يوم لسنه جديد فى حياته
بعيد عن العين ايوه
لكن من القلب قريب اكيد
وعمرى مقدر فى يوم انسى يوم ميلاد حبيبى الوحيد
Walaa Ali
لما قولتلك بتظلمنى
زعلت منى زمان لما قولت انك بتظلمنى
ومقدرتش وقتها تفهم ايه قصدى
ايوه حسيت انك بتظلمنى لما فتحت للفراق بينا باب
كنت بتبعد وانا كنت بقرب كنت بتسحب روحى معاك
غصب عنى حسيت بظلم لما فتحت بأيدك الباب
وانت دلوقتى خلاص أثبت ظلمك ونسيتنى وهجرتنى و مشيت وقفلت وراك الباب
كسرت قلبى سرقت حلمى حرقت حبى محيت اسمى ونسيت ان فى يوم دول كانو ليك أحباب
وسبت قلبى بأهاته يصرخ بدمعه يدمى ولسانى عاجز انه يقول كداب
خدعنا مشى وسبنا من غير أحباب
مهو غصب عنه مش قادر يغلط فى الكانو أغلى الأحباب
ولا قادر قلبى ينسى وعليه يقسى من كتر حبه واشتياقه لحبيبه الغاب
Walaa Ali
لما كنت قريب
ايام ما كنت قريب
احلامى مكنتش بعيد
كانت حياتى اجمل من الاحلام
بعيده عن الاوهام
مكنش فى فيها مكان لألام
وكانت كلها عشق وغرام
وحب ورقه ودلع وهيام
كنت انت اجمل ما فيها
وكنت انت المحليها
وانت حاضرها وماضيها
وانت ضياءها ونور لياليها
وكنت شمعتها وضياها
برومانسيتها ودفاها
ورقصتها و بريقها وغلاها
كنت حياتى بما فيها
كنت دقه قلبى البعيش بيها
ونسمه الامل الكنت بتنفسها
وأمنيه حياتى البعيش ليها
Walaa Ali
لسه قلبى بيندهلك
صدقنى حبيبى انا بهواك
وهدفع روحى فداك
لو بس انول رضاك
او المح فى يوم رؤياك
لو تهدى نبضات قلبى المستنياك
تجيلها ترجعلها تطمنها بلقياك
مهو قلبى متعلق بقلبك وغرامك
ولسه بيحبك ومش عارف ينساك
ولسه بيندهلك فى ليلك ونهارك
يمكن تسمع نداه
وتيجى تتمناه
وتكلمه وتترجاه
تعيش تانى وياه
وتكون نبضاته وهواه
مهو انت القلبى بيتمناه
من يوم معرفتك وقلبى حبك واتكتب عليا فراقك ولسه حبك جواه
لا قدر يوم ينساه
ولا قدر يسمح لغيرك يسكنه ويعيش معاه
Walaa Ali
